ANGELICA PANGANIBAN

Hiligaynon - - Cover Story -

SA episode sang Gandang Gabi, Vice sining karon lamang, tapatan ang nangin interview ni Vice Ganda sa ex-lover nga sanday Angelica Panganiban kag Carlo Aquino, nga karon may bag-o nga movie nga Exes Baggage. Sa amo nga episode, naglutaw nga may third party involved gali sa pagbulagay nanday Angelica kag Carlo, ini wala sing liwan kundi si Maja Salvador. Gin-aku naman ni Carlo ang involvement ni Maja sadto, pero karon okey na sila ni Maja kag friends na lang sila. Ginpaatubang naman ni Vice ang duha kag ginhambalan nga kon luyag nila mag-sorry sa kada isa sang natabu sadto, ipahayag na nila. Siling ni Angelica: “Sorry, kasi noong nagpaalam ka, pumayag na ako, kasi napagod ako.” Sabat naman ni Carlo: “Sorry, kasi napagod ka dahil kasalanan ko. Inamin ko rin na nagkulang ako sa ‘yo.” Liwat nga nagsabat si Angelica nga mabatyagan ang hagyu nga pagkurog sang boses sini: “Sana kapag nahanap mo na ‘yung para sa ‘yo, sana ganito pa rin tayo.” Nag-atubang pa si Angelica kay Vice kag maghambal: “Sabi ko kasi sa kanya, kapag nagka-girlfriend ka, mami-miss ko siya kasi.” Kinilig naman ang audience lakip na si Vice. Matuod, sanglit kon magkagirlfriend na si Carlo, indi na makaupod ni Angelica ang sultero. Sabat naman ni Carlo: “Sana, huwag nang matapos kung anong meron tayo, kasi kapag kasama kita, kampante ako. Kasi alam mo kung paano ako pakalmahin.” Pareho nga maluha-luha ang duha kag bisan si Vice daw indi na makahambal sa nasaksihan sa duha, pero kinahanglan niya nga pakalmahon ang CarGel basi pareho na sila nga maghibiay sa show. Kag husto si Angelica, sang hinambitan sini nga mataas na ang rating sang show ni Vice kag gilayon nag-trending ang episode nila. Samtang, guest naman si Carlo sa serye nga Playhouse, diin bida sanday Angelica kag leading man sini si Zanjoe Marudo. Siling ni Carlo, duha ka semana lang siya nga mag-guest sa Playhouse, makadali lang kuno siya nga masal-ot sa kabuhi nanday Angelica kag Zanjoe. Sang i-offer sa iya ang pag-guest sa Playhouse, napamangkot niya kon okay lang kay Zanjoe nga mag-guest siya. Siyempre mamangkot siya kay show ini ni Zanjoe. Okey lang naman si Zanjoe, friends naman abi sanday Carlo kag Zanjoe. Nagkaupod naman sila sadto sa Anna Liza. Sa ginpakita sang duha, gin-aku ni Carlo nga mahal gihapon niya ang ex-girlfriend niya kag gin-aku man ni Angelica nga mahal gihapon niya ang iya ex-boyfriend. Hirit naman ni Vice, pwede naman nga magbalikay sila nga duha. Paathag naman ni Carlo: “Mahirap kasi, baka masaktan ko ulit siya.” Ginpahayag man ni Carlo nga tapuson anay niya ang promo nila sa Exes Baggage bag-o sia magdesisyon kon pangaluyagan niya liwat ang aktres. Indi kuno niya luyag nga idungan ang promo sa personal niya nga pangabuhi. Indi kuno niya luyag nga silingon sang mga tao nga ginagamit niya si Angelica, ukon ang pelikula nila agod makaangkon naman sia liwat sang ngalan sa showbiz. Siling niya, genuine sia kay Angelica, nga naga-care gid man sia bisan nga may boyfriend na nga liwan ini sadto, kag may girlfriend naman sia. Bisan nga may karelasyon ang kada isa sa ila, wala kuno mautod ang komunikasyon sa tunga nila, naga-text kuno sila sa isa kag isa. Gin-ugyonan naman ini ni Angelica.

HAPPY SA ILA PAG-UPOD NI CARLO AQUINO SA EXES BAGGAGE

Newspapers in Tagalog

Newspapers from Philippines

© PressReader. All rights reserved.