SOBRA NGA PAG-INOM SANG SOFTDRINKS NAGADULOT SANG PAGKABAYOLENTE UKON KAKAHAS SA MGA KABATAAN

Hiligaynon - - Malip-ot Nga Sugilanon -

NATUKIBAN sang mga manalawsaw sa Estados Unidos sining karon lang ang makakilibot nga kabangdanan sang pagkamakahas ukon pagkabayolente sang mga kabataan bangod nasobrahan sa pag-inom sang softdrinks nga ila ginakunsomo.

Ang mga estudyante sang high school sa inner-city Boston nga nagkunsomo sang lima ka lata sang non-diet, fizzy softdrinks kada semana may siyam tubtob 15 porsiyento nga mas daku ang posibilidad nga maumid sa agresibo nga aktibidad kon ikumparar sa iban nga mga estudyante nga diutay lang ang ginainom nga softdrink.

“What we found is that there was a strong relationship between how many softdrinks that this inner-city kids consumed and how violent they were, not only in violence against peers but also violence in dating relationships, against sibling,” siling ni David Hemenway, propesor sa Harvard School of Public Health.

“It was shocking to us when we saw how clear the relationship was,” siling niya sa interbyo sang AFP.

Ginsiling niya nga kinahanglan pa ang dugang nga pagtuon agod padayon nga makumpirmar, ukon manigar ang tig-una nga mga palamangkutanon kon ang mas mataas magkunsomo sang softdrinks nagadulot sang makahas nga batasan.

Ang bag-o nga pagtuon ginbase sa sabat sa mga pamangkot nga ginsabat sang 1,878 ka mga estudyante sa mga pangpubliko nga mga eskwelahan nga ara sa edad nga 14 tubtob 18 sa inner Boston area, diin, suno kay Hemenway, may mataas ang crime rate sangsa mas manggaranon nga mga suburbs.

Lakip sa mga pamangkot amo kon daw ano kadamo nga carbonated non-diet softdrink, sang 12-ounce (355-millilitre) nga lata, ang nainom sang kabataan sa nakalipas nga pito ka adlaw.

Ginpamangkot man sila kon nagainom bala sila sang alak ukon nagapanigarilyo, nagadala sang armas ukon nagpakita sang pagkamakahas sa ila mga kaupdanan, kapamilya, ukon nobya.

Newspapers in Tagalog

Newspapers from Philippines

© PressReader. All rights reserved.