IBF SUPER FLY KAMPEON GIHAPON

Hiligaynon - - Balitang’ Sports -

PATAS ang away ni Pinoy Champ Jerwin Ancajas batok kay Alejandro Santiago Barrios, nga ginhiwat sa Oracle Arena sa Oakland , California, USA, gani napabilin ni Ancajas ang iya titulo bilang kampeon sang International Boxing Federation (IBF) super flyweight.

Sa ila sambuwa sa sulod sang 12 rounds, makita nga nagapangibabaw si Ancajas sa pihak sang hit-and-run tactics ni Barrios pero split draw gihapon ang nangin desisyon sang mga hurado.

Nagdaog kay Judge Michael Tate si Ancajas sa iskor nga 116112, samtang ginpaboran naman ni Marshall Walker si Barrios sa iskor nga 118-111, kag ginhatag naman ni Judge Chris Wilson ang patas nga iskor, 114-114.

“IBF junior bantamweight Jerwin Ancajas (28-1-2, 19 KOs) barely retained his title with a twelve round draw against Alejandro Santiago (16-2-5, 7 KOs) on Friday night at the Oracle Arena in Oakland, California,” suno sa report sang Fightnews.com. “The aggressive Santiago gave Ancajas all he could handle, and in the end scores were 116-112 Ancajas,118-111 Santiago 114114.”

Ini ang ikaanom nga madinalag-on nga depensa ni Ancajas halin sang makuha niya ang IBF super flyweight crown kay MacJoe Arroyo sang Puerto Rico nga napatumba niya sa 8th round agod lutoson sa 12-round unanimous decision sadtong 2016 sa Taguig City, Metro Manila.

Nadepensa ni Ancajas ang IBF title kanday Jose Alfredo Rodriguez sang Mexico (RTD7), Teira Kinoshita sang Japan (TKO7), Jamie Conlan sang United Kingdom (TKO6), Israel Gonzalez sang Mexico (TKO 10) kag Pilipino nga mandatory contender Jonas Sultan.—O

Newspapers in Tagalog

Newspapers from Philippines

© PressReader. All rights reserved.