SOBRA KAINIT NGA ILIMNON MAHIMO MANGIN KABANGDANAN SANG SAKIT NGA CANCER

Hiligaynon - - Salaysay -

SUNO sa cancer research agency sang World Health Organization (WHO), ang sobra kainit nga ilimnon, sobra sa 65c, mahimo makatuga sang oesophageal cancer. Ginpaathag sang WHO nga ang kape indi mangin kabangdanan sang cancer, pero natukiban nga ang mga ilimnon nga sobra ang kainit mahimo nga mangin kabangdanan sang oesophagus cancer ukon gullet.

Sadtong 1991, ang kape kis-a na nga ginadudahan bilang kabangdanan sang cancer, pero liwat nga ginkonsiderar sang International Agency for Research on Cancer (IARC), nga parte sang WHO, ang ebidensya.

Ginpakita sini ang mga detalyado nga mga pagtuon sang nagkalainlain nga mga pagpanalawsaw kag natukiban nga wala sing dapat nga igakabalaka ang mga nagainom sang kape.

Gintun-an man sang IARC ang herbal drink mate, nga kilala sa tawag nga chimarrao orcimarron nga mabakal sa South Amerika, diin ang oesophageal cancer mas daw kinaandan na lang sangsa iban nga parte sang kalibutan.

Natukiban sang mga eksperto nga indi ang mate ang kabangdanan sang cancer, pero nagapati sila nga ang temperatura sang ginainom sang isa ka tawo mahimo may kaangtanan sa oesophageal cancer.

“It is consumed very hot,” suno kay Dr. Dana Loomis sang IARC. “This led to interest in other hot drinks around the world. There seems to be an effect of temperature.

“There is limited evidence in human studies, and limited evidence in animal studies, for the carcinogenicity of very hot drinks,” pahayag ni Loomis.

Sa mga tawo nga maluyagon mag-inom sang hot tea sa Europe kag US indi kinahanglan nga magkabalaka, suno kay Loomis. “It is important to recognize that hot drinks that were studied for the basis of classification are perhaps a bit different from tea of coffee as consumed (in other parts of the world) – 65c is quite hot.”

Sa European country, ang mga ginainom nga kape kag tea sa kinaandan 60c lang ang kainit, kag kon kis-a ginalaktan pa sang gatas, nga nagapalamig sini. Ang mga tea sa Iran kag mate sa South America sa kinaandan ginainom sa temperatura nga 70c.

“Mate is not only prepared very hot, but drunk through a metal straw that delivers it directly into the throat,” suno kay Loomis.

Sa isa ka pagtuon nahanungod sa mga hayop, natukiban nga ang mainit nga tubig nangin kabangdanan sang tumor. “It appears that there is thermal injury from exposure of hot liquids to cancer of the oesophagus,” siling niya. (The Guardian)

Newspapers in Tagalog

Newspapers from Philippines

© PressReader. All rights reserved.