BATA GINTUYO I-ABDUCT SA TIGBAUAN

Hublas nga Kamatuoran - - Unang Pahina - wNi Ime SORNITO

Syudad sang ILOILO – Kumpirmado nga ginsulod sang duha ka persona ang Barroc Elementary School sa Barangay Barroc, Tigbauan, Iloilo.

Sunu kay Senior Insp. Hermogenes Eulatic, hepe sang Tigbauan PNP, nagdangop sa ila istasyon ang ginikanan sang grade 6 nga bata nga babaye matapos nga gintuyo ini nga i- abduct sang Septyimbre 8 sang hapon sang lalaki nga nagataas sang mga 5’ 4” kag chubby kag babaye nga blond ang buhok.

Gintuyo sang suspek nga lalaki nga butongon ang kamot sang bata pero maswerte lang nga nagapanguyat ang kamot sini sa haligi sang canopy sang eskwelahan rason nga wala nadala.

“Gin-attempt lang ni nga kuhaon sia sang duha ka tawo. Baye kag isa ka lalaki. Nagsulod sila sa eskwelahan kag ginbutong ang grade 6 nga estudyante nga babaye,” hambal ni Eulatic.

Nakasinggit man ang upod sang bata rason nga napuhag ang mga manunudlo kag ginikanan sa sulod sang eskwelahan.

Rason nga gilayon na lang nga naglakat ang mga suspek kag wala gid nadakpan.

“Ang duha ni ka bata, isa ni babaye amo nga naka-uyat sa poste sang canopy. Ti, amo way man nila madala. Nagkinaranakran na, nangindulaan ang duha,” dugang ni Eulatic.

Naglaum man, sunu pa sa hepe, ang mga manunudlo nga ginikanan lang sang ila mga estudyante ang nagsulod rason nga wala man nila ginsapak atong mga suspek: “Nag-ekspektar ang maestra nga abi nila parents sang estudyante.”

Samtang ginasulat ini nga balita, indi pa maathag sa Tigbauan PNP kon ano ang motibo sang mga suspek sa pagbutong sa bata. Padayun pa ang ila nga pag-imbestigar sa insidente./ PB

Newspapers in Tagalog

Newspapers from Philippines

© PressReader. All rights reserved.