Amay ginwasay sang anak sa Negros

Hublas nga Kamatuoran - - Unang Pahina - @wNi Cyrus M. GARDE

Syudad sang BACOLOD – Napatay ang amay nga ginwasay sang hubog sini nga anak sa Sitio Calubcob, Brgy. San Miguel, Syudad sang Tanjay sa Negros Oriental.

Ginhingagaw pa dala sa Urgent Care Unit sa amo nga syudad ang biktima nga si Juvito Timtim 52, kag nagapuyo sa Sitio Talingting, Brgy. Luyang sa banwa sang Mabinay. Apang ginbawian ini sang kabuhi antes pa maglambot sa amo nga bulolngan.

Ginkilala naman ni Supt. Frankie Lugo, hepe sang Tanjay City PNP, ang suspek nga si Angelo Timtim, 30, kag soltero.

Sand ig sa imbestigasyon sang Tanjay City PNP, gintawgan ni Angelo ang iya mga ginikanan nga magtambong sa pamalaye niya sa pakaslan niya nga nobya.

Sang nag-abot na didto ang iya mga ginikanan, hubog na si Angelo kag ginhambalan niya ang iya amay nga ila gastohan ang kasal niya. Apang naghambal ang amay nga wala sila sang kwarta kag gindugang nga sa husto na nga edad ang anak agud magpakasal kag ginpreparahan kontani ini.

Didto kag naakig ang suspek kag ginapahayag ginkuha ang wasay kag ginhan-os sa iya amay nga naigu sa hita.

Gilayon man nga nadakpan ang suspek sang nagresponder nga mga pulis kag priso na ini karon sa Tanjay City PNP./

Newspapers in Tagalog

Newspapers from Philippines

© PressReader. All rights reserved.