11 KA PERSONA NAHILU SA UHONG

Hublas nga Kamatuoran - - Unang Pahina - Ni Ime SORNITO

Syudad sang ILOILO – Na- ospital ang 11 ka mga persona matapos nga gina- alegar nahilu sang nagkaon sang uhong sa Barangay San Isidro sa distrito sang Jaro kahapon sang hapon.

Ginabulong pa subong sa West Visayas State University Medical Center sanday Nenita Gardose, 51; Geraldine Gardose, 19; Anthony Mijares, 26; Billy Gardose, 51; Jason Gardose, 29; JV Gardose, 20; Genabelle Mijares, 23; alyas Ela, 8; alyas Jian, 2; alyas Marie, 5; kag alyas Nathaniel, 2. Nakabatyag sila sang paglingin sang ulo kag nagsuka.

Sunu kay kapitan Felix Dureza sang Brgy. San Isidro, nagkaon man lang sang uhong ang mga biktima pero makaligad ang pila ka minutos, nakabatyag sila sang pagpalanakit sang tiyan kag pagsuka rason nga ginpangdala sa ospital.

Ginapasuni nga ang uhong ang nagaduag sang brown kag mapangsot kon masimhotan.

Tubtob ginasulat naman ining balita, padayun pa ang pagimbestigar sang barangay kag sang city health office kon bala uhong gid man ang ginhalinan sang pagkahilu sang mga biktima./ PB

Newspapers in Tagalog

Newspapers from Philippines

© PressReader. All rights reserved.