3 ka mga bata patay sa bagyo ‘Maring’

Hublas nga Kamatuoran - - Unang Pahina -

Naglab- ot sa tatlo ka kabataan ang ginbawian sang kabuhi sang pagwaswas sang bagyo “Maring” sa Luzon kahapon.

Unan nga napatay ang mag-utod nga Justin, 14, kag Jude Pundal, 17, matapos nga natabonan sang narumpag nga duta ang ila balay sa Barangay Dolores sa Taytay, Rizal alas-cuatro sang kaagahon kahapon.

Sunu kay Elmer Espiritu, hepe sang Taytay Disaster Office, natabu ang landslide kadungan sang pagwaswas sang mamunog nga ulan dala sang bagyo “Maring.”

“Nagresponde naman tayo immediately, pero unfortunately, noong makuha natin ay talaga namatay na iyung dalawa,” hambal ni Espiritu.

Maswerte naman nga naluwas ang iban pa nga mga residente lakip na ang duha pa ka utod sang mga biktima.

Sa bahin sang Lucena City, Quezon, ginbawian man sang kabuhi ang duha ka bulan nga lapsag matapos nga natabonan man sang duta ang ila balay sa kadungan sang pagwaswas sang bagyo.

Sandig sa report ni Peewee Bacuno sa radio dzBB, natabu ini kahapon sang aga kadungan sang landslide malapit sa Mt. Carmel Hospital.

Ang lapsag ang natrap sa sulod sang ila balay sang nawasak ang dingding sang ospital./ PB

Ang balay sang mag-utod nga Justin kag Jude Pundal nga natabonan sang duta tion sang landslide sa Brgy. Dolores Taytay, Rizal kahapon sang kaagahon. (Kevin Manalo/ABS CBN News)/PB

Newspapers in Tagalog

Newspapers from Philippines

© PressReader. All rights reserved.