‘SIN-O ANG AKON AMAY?’

Hublas nga Kamatuoran - - Opinyon -

Dear Inday Lyn,

Ano ang imo mangin reaksyon kon mahibaluan mo nga indi ikaw matuod nga anak sang imo ginikanan?

Fourth year high school na ako sang natukiban ko ang isa ka masubo nga kamatuoran sa akon pagkatawo. Sa bilog ko nga kabuhi wala gid ako nagdumdom nga isa gali ako ka adopted sang mga tawo nga ginkilala ko nga akon mga ginikanan kag utod.

Sunu kay mama, indi sia kundi ang akon tiya nga utod ni papa ang matuod ko nga iloy. Sang mahibaluan ko ini, naglain ang akon buot bangod gintago nila ini sa akon. Pero mas masubo gali ang natabu sa matuod ko nga iloy kon paano nga nagguwa ako sa

(Una nga bahin) kalibutan.

Inday Lyn, 16 anyos lang si Nanay sang nag-obra ini sa Manila. Maputi kag matahum ini sia amo kon ngaa madamo ang nagkagusto sa iya. Ang amo ni nanay may tatlo ka bilog nga kabataan kag puro lalaki. Nagustohan sang ila subang nga bata si nanay pero si nanay wala kuno naluyag sa iya. Ginalikawan niya ini pirme kag wala niya ginasapak apang makulit gid kuno ini. Ginprangka man kuno ni nanay nga wala sia sang luyag sa iya pero labi ini nga nangakig tubtob isa sadto ka adlaw natabuan nga wala sing tawo sa ila balay. Natiempohan gid niya si nanay kag ginhimuslan. Wala sang mahimu si nanay sadto bangod wala man sia sang pamilya sa Manila gani ginhipsan lang niya ang natabu.

Pero mas nagdaku ang iya problema sang nakumpirma niya nga nagbusong sia sa akon. Nahibal- an man sang iya amo nga babaye ang natabu kag naakig gid ini sa iya. Indi ini gusto kay nanay gani ginpapuli niya kag ginpahog nga indi na magbalik-balik pa.

Sa kahadlok ni nanay nga mahibaluan man nanday lolo kag lola, wala niya ginsugid sa ila kundi nagdiretso sia sa utod niya nga amo si papa. Sadto nga panahon, wala pa sila bata kag abi nila indi na sila makabata gani nangako sila kay nanay nga sila ang masagod sa akon kag agud indi man mahibaluan nanday lola kag lola. (Padayunon bwas)

Newspapers in Tagalog

Newspapers from Philippines

© PressReader. All rights reserved.