Trabaho sang gobyerno sa 3 ka rehiyon suspendido

Hublas nga Kamatuoran - - Nasyonal -

Ginsuspendir kahapon sang Malakanyang ang trabaho sa mga opisina sang gobyerno sa Metro Manila, Central Luzon kag Calabarzon bangod sang malain nga panahon.

Sunu kay Presidential Spokesperson Ernesto Abella, suspendido man ang trabaho sang tanan nga mga korte sa Metro Manila, Central Luzon kag Calabarzon sandig sa anunsyo sang Korte Suprema.

Ining suspensyon sang mga trabaho kasunod sang pagwaswas sang bagyo “Maring” sa Mauban, Quezon kahapon sang aga nga nagdiretso sa probinsya sang Laguna.

Luwas sa mga trabaho, ginkanselar man ang klase sa mga lugar nga ginpaidalom sa storm signal no. 1. Ini amo ang: * Metro Manila

* Cavite

* Laguna

* Batangas

* Rizal

* Camarines Norte * Camarines Sur

* Northern Quezon * Southern Aurora * Bulacan

* Pampanga

* Mueva Ecija

* Tarlac

* Zambales * Bataan, kag * Pangasinan.

Samtang, naglab-ot sa 300 ka mga pasahero ang na-stranded sa uerto sang Bicol bangod sang bagyo.

Sandig sa rekord sang National Disaster Risk Reduction and Management Council, 296 ka mga pasahero ang nastranded sa uerto kaupod ang 46 ka mga cargo, 16 ka mga vessel, kag duha ka motorbanca.

Naluwas man sang mga rescuers ang 22 ka mga pasahero sang DLTB bus nga na-straned sa baha sa Pitogo, Quezon.

BAGYO ‘LANNIE’ Sa pihak nga bahin, padayun man ang pagbantay sang Atmospheric Geophysical and Astronomical Services Administration (PAGASA) sa isa pa ka bagyo nga “Lannie,” nga indi man direkta nga maka-apekto sa pungsod.

Ulihi nga nakita si Lannie 865 kilometros sa nasidlangan sang Basco, Batanes alas- 10 sa aga kahapon. Padayun ang paghulag sini pakadto sa Taiwan nga may maximum winds nga 120 km/h kag gustiness nga asta 145 km/h.

Ang “Maring” kag “Lannie” gina- ekspektar nga magbiya sa Philippine Area of Responsibility sa Huwebes.

Sunu pa sa PAGASA nga labing una nga tion ini sa sulod sang walo ka tuig nga duha ka bagyo ang yara sa Pilipinas. Ang ulihi nga kasubong sini natabu sang 2009 sa diin nagdungan ang mga bagyo “Pepeng” kag “Quedan.”/ PB

Newspapers in Tagalog

Newspapers from Philippines

© PressReader. All rights reserved.