Horn vs Corcoran ginaduso

Hublas nga Kamatuoran - - Sports -

Matunog ang balita nga plantsado na ang sambuwa sa tunga nanday Gary Corcoran sang Great Britain kontra sa WBO welterweight world champion nga si Jeff Horn sa Brisbane Entertainment Centre sa maabot nga Nobyimbre 25.

Ini matapos nga ginpanginwala sang kampo ni Horn nga posible ang two-division world champion nga si Terence Crawford ang masunod nga kasumpong niya.

Ginbalita naman sa mga pamantalaan sa Australia nga si Corcoran, ika-11 sa WBO nga nagdaog paagi sa split decision victory kontra sa undefeated nga si Larry Ekundayo sa WBO InterContinental welterweight title, ang makasumpong ni Horn.

Nahibaluan nga si Corcoran nagpanaog sa 154 pounds matapos nga napierde sa anay European junior middleweight champion nga si Liam Williams.

Samtang si Horn naman nagdaog sang WBO title paagi sa pagpierde kay anay eight-division world champion Manny Pacquiao sadtong Hulyo./ PB

Newspapers in Tagalog

Newspapers from Philippines

© PressReader. All rights reserved.