Isaiah Austin, kuhaon sang Gilas

Hublas nga Kamatuoran - - Sports -

Plano sang Gilas Pilipinas nga kuhaon ang anay NBA prospect nga si Isaiah Austin bilang masunod nga naturalized player.

Nagapati ang Gilas nga makabulig si Austin sa ila kampanya sa FIBA-Asia Champions Cup sa China sa Septyimbre 23.

Si Austin, 23, nagataas sang 7- foot- 1 kag nagahampang bilang sentro sa college basketball sa Baylor.

Pero natukiban nga nagasuprer ini sang Marfan syndrome sang 2014 rason nga wala ginkuha sang bisan ano nga team sadtong 2014 NBA draft.

Maswerte lang nga nag-ayo ang iya masakit kag ginpasugtan nga makahampang sia liwat sa Serbian club FMP sang nagligad nga season.

Sa subong nagahampang pa ini sia sa Chinese club Guangxi Rhinos matapos nga nagsulod diri sang Hulyo.

Posible nga buslan ni Austin ang anay NBA big man nga si Andray Blatche./ PB

Newspapers in Tagalog

Newspapers from Philippines

© PressReader. All rights reserved.