Balay sang prov’l guard gin-raid, mga pusil narekober

Hublas nga Kamatuoran - - Balita - Ime SORNITO PB

Syudad sang ILOILO – Nakuhaan sang mga pusil kag bala ang provincial guard sang gin- raid ang iya balay sa Barangay 8, San Jose, Antique takna alas-7:30 sang gab-i sang Martes.

Ginkilala ang subject nga si Prisco Mendoza alyas Bebot, 61, kasado kag naga- obra bilang provincial guard sang kapitolyo probinsyal sang Antique.

Sandig sa rekord sang San Jose PNP, bitbit ang search warrant para sa mga kaso nga paglapas

RA 10591 ukon “Comprehensive Firearms and Ammunition Regulation Act” kag RA 9165 nga gin-aplay nila sa opisina ni Hon. Francisco Guzman, executive judge sang 6th Judicial Region, Branch 12, nagpadulong sila sa balay ni Mendoza.

Lakip sa narekober diri amo ang isa ka unit sang 12 gauge shot gun, isa ka 12 gauge shot gun nga may mga bala, isa ka unit sang .45 caliber pistol, 11 ka mga bala sang .45, apat ka mga bala sang 5.56 caliber, walo ka mga bala sang .22 caliber, tatlo ka mga fired cartridge sang 9mm, magazine sang .45 caliber, kag isa ka fired cartridge sang .45 caliber pistol.

Gindala man si Mendoza sa istasyon sang San Jose PNP

para sa nagakaigu nga disposisyon sang iya mga kaso./

Newspapers in Tagalog

Newspapers from Philippines

© PressReader. All rights reserved.