Fishing vessel nastranded sa Antique

Hublas nga Kamatuoran - - Balita - PB Ime SORNITO

Syudad sang ILOILO – Nakaluwas ang 12 ka mga crew sang fishing vessel nga na-stranded sa baybayon sang Barangay Lisub-A, Anini-y, Antique takna alas- siete sang Martes sang gab-i.

Sandig sa report sang Police Regional Office 6, duha na ka semana nga nakadungka ang sakayan nga ATREO SHADRACH sa higad sang baybayon sang Brgy. Lisub- A matapos nga nakaangkon sang problema sa makina.

Bangod sang mabaskug nga pagdapya sang balud, amat- amat man sila nga ginatulod sang balud rason nga nagpangayo sila sang bulig sa mga nagalabay nga manogpangisda tubtob nga naluwas ang 12 ka mga sakay sini nga nakilala kanday:

* Felix Limosnero, 58, sang Poblacion, Margosatubig, Zamboanga Del Sur, kapitan;

* Peter Caliao, 49, sang Salug, Zamboanga Del Norte, chief mate;

* Feliz Omandam Jr., 39, sang Buru-an, Iligan City; * Henry Duran, 68, sang Dalipuga, Iligan City, chief engineer;

* Rio Jhon Noquera, 20, sang Brgy. Lucsoon, Naval, Biliran;

* Paulino Agutaya, 28, sang Taytay, Palawan; * Hewin Tabangay, 30, sang Taytay, Palawan; * Alcluch Caliao, 30, sang Bulacan;

* Roel Bael, 33, sang San Jose Rodriguez, Rizal; * Alvin Burloas, 33, sang Cebu City; kag

* Ricson Ateinza, 45 sang Bulacan.

Sa subong ang nasambit nga mga persona yara temporaryo sa paghinakop sang Philippine Coast Guard-Antique samtang nagahulat nga makay- o ang ila sakayan./

Newspapers in Tagalog

Newspapers from Philippines

© PressReader. All rights reserved.