CHR-6 nakibot sa akto sang kongreso

Hublas nga Kamatuoran - - Balita - Ime SORNITO

Syudad sang ILOILO – Ginkakibot sang mga empleyado sang Commission on Human Rights (CHR) 6 ang nangin akto sang manubo nga panalgan sang kongreso nga pagaprubar sang P1,000 nga pundo para sa ila opisina para sa 2018.

Sunu kay Atty. Arnold Molina, indi maka- obra ang ila opisina sa P1,000 nga pundo: “I cannot really imagine how come our congress or our lower house has made this kind of act?”

Dugang niya nga kon gusto sang kongreso sa pagpamuno ni House Speaker Pantaleon Alvarez nga pahalinon sa puesto ang ila tsirman nga si Chito Gascon, indi ini ang insakto nga pamaagi bangod nga isa sila ka institusyon nga nagakadapat hatagan sang pundo para makaoperate.

“Kon pamatian ta man lang, gusto sang aton speaker nga mag-resign ang amon chairman pero that’s should not a proper way. Kay ti isa ni ka institution and it’s not the chair office,” dugang ni Molina.

Ginpanindugan pa niya nga nagatrabaho ang ila opisina sandig sa mandatu nga pagrespeto kag pakigbatu sang kinamatarong sang tawo pero kon P1,000 lang ang ila pundo, sigurado nga indi sila makatuman sang ila trabaho.

“Kon mag- amo sina, paano kami makafunction as an institution? With P1,000 budget do you think we can function? It’s really unthinkable...,” pahayag pa ni Molina.

Wala man nalikawan ni Molina nga maghatag sang reaksyon sa mga kongresista sa rehiyon 6 nga nagboto sa pagduso sang P1,000 nga pundo para sa CHR.

Para kay Molina, sa iya personal nga pananawan nga pang- abuso sa otoridad ang ginhimu sang mga ini bangod nga indi maka- function ang ila opisina kon ang pundo yara lang sa P1,000.

Siling pa niya nga kon may gusto nga ipahimu nga trabaho ang kongreso sa CHR, kontani naghimu ang mga ini sang laye para pagasundon sang mga empleyado.

“Kon may ara sila gusto ipa-obra sa opisina kontani nagdihon sila sang isa ka laye para amo ina ang ipa-obra sa amon because they are law maker,” pagtakop ni Molina./ PB

Newspapers in Tagalog

Newspapers from Philippines

© PressReader. All rights reserved.