5 patay, 6 missing bangod kay ‘Maring’

Hublas nga Kamatuoran - - Nasyonal -

Naglab- ot sa lima ka mga persona ang napatay samtang anum ang missing bangod sang pagwaswas sang bagyo “Maring” sa Luzon.

“Nakakalungkot na bagama’t hindi napakalakas ng bagyong Maring, may limang confirmed fatalities dahil sa bagyong ito,” hambal ni spokesperson Mina Marasigan sang National Disaster Risk Reduction and Management Council.

Lakip sa mga napatay amo ang mag-utod nga Jude, 17, kag Justine Pundal, 14, nga narumpagan sang lupa sa nagluntad nga landslide sa Taytay, Rizal; Samantha Zamora, 12, nalumos sa Syduad sang Pasay; kag duha ka bulan nga lapsag sang narumpagan sang riprap ang ila balay sa Lucena City.

Ang ikalima nga patay naman ang nagikan sa Silang, Cavite.

Kabug-osan man nga 2,103 ka mga pamilya ukon 8,793 ka mga persona ang apektado sang bagyo sa 109 ka mga barangay sa Metro Manila kag Calabarzon.

Samtang naglab-ot sa siam ka mga balay ang naguba sa Silang, Cavite./ PB

Newspapers in Tagalog

Newspapers from Philippines

© PressReader. All rights reserved.