Gabby, ginbalibaran reunion movie nila ni Sharon

Hublas nga Kamatuoran - - Unang Pahina -

Nagpaathag si Gabby Concepcion kon ngaa wala nadayon ang kontani reunion movie nila ni Sharon Cuneta.

Sa interbyu sang PEP, ginsiling ni Gabby nga ginbalibaran niya ang proyekto bangod indi sia gusto nga tanyagan sang role nga base lang sa synopsis kag indi full story.

Luwas pa sa mga pagpangduha-duha niya, sunu sa aktor nga bag-o lang sia dayon nakapirma sang kontrata sa iya subong network sang ginconceptualize ang proyekto.

“Bagong pasok ako, so I just felt na ayaw kong mawala iyong momentum ng [GMA7] na kauumpisa lang namin tapos bigla akong gagawa sa iba,” siling ni Gabby.

Gin- aku man niya nga wala niya nahambalan si Sharon sang iya rason sa pag-back out sa ila reunion movie. Pero ginklaro niya nga gusto niya nga madayon ang proyekto: “That’s how I feel, maski one time lang, whether it’s the last movie we’ll ever gonna do, at least mayroon kaming prinesenta.”

Nahibaluan nga ang nasambit kontani nga pelikula amo ang labing una nga proyekto nanday Sharon kag Gabby kasunod sang ila 1992 film nga “Tayong Dalawa.”/

Newspapers in Tagalog

Newspapers from Philippines

© PressReader. All rights reserved.