12 ka tawo dakop naga-roro sa van

Hublas nga Kamatuoran - - Balita - @ wNi Ime SORNITO

Syudad sang ILOILO – Nadakpan sa akto ang 12 ka mga persona nga nagagamit ukon naga-roro sang ginapasuni shabu sa sulod sang van tion sang ginkasar nga buy-bust operation sa circumferential road sa Barangay San Jose, distrito sang Arevalo diri alas-2:30 sang hapon sang Miyerkoles.

Ginkilala ang subject sa buy-bust nga si Hamlin Querubin y Patino, 40, kag residente sang Brgy. Don Candido, Molo.

Ang 11 naman ka iban pa nga mga upod sini nga gin-aresto sa sulod sang iya van amo sanday:

* Noe Dañocup, 36, sang Alta Tierra Village, Jaro * Loreto Alison, 38, sang Brgy. Cadingli-an, Oton * Chino Olivares, 29, sang Brgy. Poblacion East, Oton * Troy Lacson, 27, sang Zarraga, Iloilo *Paolo Gonzales, 32, sang Brgy. Tuburan Sulbod, Zarraga

* Giemar Ric Bachoco, 35, sang Brgy. Jalandoni, Jaro * Noel Uy, 37, sang Brgy. General Hughes, City Proper

* Ma. Georgina Therese Rosales, 30, sang Brgy. Rizal, La Paz

* Jessie Rey Cantana, 38, sang Jaro

* Ma. Salvacion Juanga, 41, sang Brgy. Pandan, Dingle; kag *Rodolfo Juanga, 46, sang Brgy. Pandan, Dingle.

Sandig sa report sang Arevalo PN, nagkasar sang buy-bust operation ang mga katapo sang Regional Drug Enforcement Unit (RDEU) 6 kon sa diin nabaklan sang ila poseur buyer si Querubin sang balor P1,200 nga gina-alegar shabu.

Nakumpiskar pa gid sa suspek ang 14 ka mga heat sealed transparent plastic sachets sang ginapasuni shabu, marked money kag drug paraphernalia.

Samtang dimalas man nga naaktohan sang mga pulis ang 11 ka iban pa nga kaupdanan ni Querubin nga nagagamit sang ginapasuni shabu sa sulod sang van rason nga gin-aresto.

Samtang ginasulat ini nga balita, ang 12 ka mga arestado priso na sa Arevalo PNP pero natalana sila nga i-turnover ano man nga oras umpisa subong sa paghinakop sang RDEU6./ PB

Newspapers in Tagalog

Newspapers from Philippines

© PressReader. All rights reserved.