Pulis ginbunu samtang nagalakat sa Jaro

Hublas nga Kamatuoran - - Balita - @ wNi Ime SORNITO

Syudad sang ILOILO – Napilasan sa tuo nga dughan ang pulis nga nabunan samtang nagalakat sa River Plains Subdivision, Barangay Lanit, distrito sang Jaro alas- 9: 45 sang gab- i sang Miyerkoles.

Ginabulong pa subong sa West Visayas State University Medical Center si PO3 Ian Germo y Figuroa, 33, kasado, residente sang Brgy. Bakhaw, Mandurriao kag assign sa Regional Personnel Holding and Accounting Unit sa Police Regional Office 6.

At- large naman ang ginatudlo nga suspek nga si Ricky Pabulayan y Guillaran, 44.

Sandig sa imbestigasyon sang Jaro PNP, alas-nueve sang gab-i nagpadulong ang biktima sa balay sang iya abyan sa Brgy. Lanit pero nalabayan sini ang grupo sang mga kalalakinhan nga naga- inom nga gulpi lang nagsinggitan nga “G*G-O.”

Sang nabatian ini sang pulis, ginkompronta sini ang mga kalalakinhan kadungan sang pagpamangkot kon sin- o ang “G* G- O” pero nanginwala ang mga ini rason nga nagdiretso sa paglakat ang biktima.

Pag- abot sang alas- 9:45, nagdesisyon si Germo nga magpauli kag samtang nagalakat-lakat kaupod ang iya abyan, nakalabay sila liwat sa atubang sang balay sang suspek kag diri nga ginkompronta naman sia sang suspek sa paghambal nga “Sa sunod indi magsitasita” rason nga nagsabat ang biktima nga “Wala ka labot.”

Sunod sini, ginapasuni nga nagkuha sang patalom ang suspek kag ginbunu sang makaisa ka bes ang pulis kag gilayon nga nagpalagyo.

Samtang ginbuligan naman ang biktima sang iya abyan nga madala sa ospital./ PB

Newspapers in Tagalog

Newspapers from Philippines

© PressReader. All rights reserved.