Kaso vs Aquino angut sa Mamasapano, ginpapag-on

Hublas nga Kamatuoran - - Nasyonal -

Ginpapag-on sang Office of the Ombudsman kahapon ang kaso nga kriminal nga ginpasaka kontra kay anay Presidente Benigno “Noynoy” Aquino III angut sa kamatayon sang 44 ka mga pulis sa Mamasapano encounter sadtong 2015.

Nahibaluan nga ginbasura sang Ombudsman ang mosyon ni Aquino sa usurpation of authority kag pagbayolar sang anti-graft and corrupt practices act.

“While a President of the Republic is certainly possessed with broad discretionary powers, the exercise thereof must not, however, be done in violation of a law, much less when such exercise constitutes a crime,” hambal sang Ombudsman.

Ang anay presidente makigsapol sa iya legal team angut sa desisyon sang Ombudsman sandig sa tagpamaba sini nga si Abigail Valte.

Ginhambal sang Ombudsman nga nakita nila ang probable cause kontra sa anay presidente matapos nga ginpasugtan sadto ang nasusprndir nga hepe sang kapulisan nga si Alan Purisima nga magpamuno sa paglagas sa ginapatihan lider sang terorista sa Mamasapano, Maguindanao.

Bisan madinalag- on nga napatay ang Malaysian bomb- maker nga si Marwan, nagresulta man ini sa kamatayon sang 44 ka mga Special Action Force commandos.

Ginaduso man sang Ombudsman ang pagpasaka kay Aquino sang graft and usurpation of authority imbes nga reckless imprudence resulting in multiple homicide para mas mabug-at ang penalidad./ PB

Newspapers in Tagalog

Newspapers from Philippines

© PressReader. All rights reserved.