Bangkay nasapwan sa suba

Hublas nga Kamatuoran - - Balita - Ni Ime SORNITO

Syudad sang ILOILO – Nagahabok na sang nasapwan ang bangkay sang babaye sa suba sakop sa ng Brgy. Dagsaan, Buenavista, Guimaras sang Huwebes sang aga.

Ginkilala ang biktima kay Julie Calar, residente sang Brgy. Camiri, San Enrique, Iloilo nga nareport nga missing sadtong nagligad nga Martes matapos nga nagtabok sa suba kadungan sang pagbubo sang mamunog nga ulan.

Sandig sa report sang Buenavista PNP, nasapwan sang pila ka mga residente nga nagalutaw sa suba ang bangkay.

Sang nakabati naman sang amo nga balita ang pamilya ni Calar sa San Enrique, gilayon sila nga nagpadulong sa Guimaras kag napat-od nga si Calar gid man ato.

Nahibaluan nga nagpablotter ang pamilya ni Calar sa San Enrique PNP kag

Passi City PNP sadtong Martes bangod nga wala ang biktima makapauli sa

ila balay sang nagtabok sa suba sa Brgy. Sitio Bato, Syudad sang Passi./ PB

Newspapers in Tagalog

Newspapers from Philippines

© PressReader. All rights reserved.