College student dakop sa drug bust

Hublas nga Kamatuoran - - Balita - Ni Ime SORNITO

Syudad sang ILOILO – Arestado sa drug bust operation ang isa ka college student sa Barangay Poblacion Ilawod, Dumalag, Capiz.

Ginkilala ang arestado nga si Christaniel Modelo y Torres, 18, soltero kag residente sang Brgy. Poblacion Ilaya, Dumalag, Capiz.

Sandig sa report sang Dumalag PNP nga nabaklan sang ila police poseur buyer ang arestado sang isa ka heatsealed plastic sachet sang ginapatihan shabu balor P500 alas-10 sang Huwebes sang gab-i.

Nakumpiskar pa gid sa paghinakop sini ang duha ka heat- sealed plastic sachets sang ginapasuni shabu kag marked money.

Priso na subong si Modelo sa karsel sang Dumalag PNP kag magapangatubang sang kaso nga pagbayolar sang RA 9165 ukon Comprehensive Dangerous Drugs Act of 2002./ PB

Newspapers in Tagalog

Newspapers from Philippines

© PressReader. All rights reserved.