Naga-finance sa ilegal nga sugal ginapadakop kag ginapa-priso

Hublas nga Kamatuoran - - Balita - Ni Ime SORNITO

Syudad sang ILOILO – Gusto sang gobernador sang probinsya sang Iloilo nga makasohan kag mapriso ang mga nagafinance sang ilegal nga sugal sa probinsya bisan pa nga madalahig ang mga pulis, retirado nga pulis kag iban pa nga mga opisyal sa gobyerno.

Ang reaksyon nga ini ni Gob. Arthur Defensor Sr. kasunod sang ginhatag nga listahan ni Board Member Domingo Oso sang cuarto distrito sa Iloilo Police Provincial Office sa diin 39 ka mga pangalan sang retirado nga pulis, anay politiko, aktibo nga pulis, kag pribado nga indibidwal ang nadala nga naga- angut sa ilegal nga sugal sa probinsya.

“Kon may ebidensya ang PNP, ang NBI kag CIDG, pang- akusar na tanan kag ipa- priso, pulis man sia ukon indi basta tanan i- akusar lang kag ipa- priso,” sabat ni Defensor sang ginpamangkot sang mga katapo sang media angut sa iya reaksyon sa listahan ni Oso.

Pero wala naman nagapati si Defensor nga kon may listahan na sang gambling lord ukon financier makabig nga nagaduging na ang problema sa ilegal nga sugal sa isa ka lugar.

Gin-aku ugaling sini nga mahina ang kampanya sang gobyerno sa bahin sang ilegal nga sugal bangod nga ginabuy- an man ang ginapangdakop.

“Ang diperensya sang gobyerno ta kay kon illegal gambling gani way ginadakop. Dasun buy-an nila dayon. Ang kampanya sang aton gobyerno parte sa illegal gambling daw indi tuod- tuod. Kon sa mga suba, manabaw,” dugang ni Defensor./ PB

Newspapers in Tagalog

Newspapers from Philippines

© PressReader. All rights reserved.