Azkals, nagsaka sa FIFA rankings

Hublas nga Kamatuoran - - Sports -

Dalayawon ang pagsaka sang Philippine Azkals sa FIFA men’s world rankings kasunod sang ila masandukot nga hampang kontra sa Yemen sa AFC Asian Cup qualification stage sang tinalikdan nga semana.

Halin sa 127, yara na subong sa ika- 123 nga ranking ang national team sang pungsod.

Bangod sini, ang Pilipinas na ang may pinakamataas nga ranking sa Southeast Asian kag ginasundan sang Vietnam nga ika-130, Thailand nga ika-137 kag Myanmar nga ika-152.

Nagapabilin nga wala sang pierde ang Azkals sa Group F sang AFC Asian Cup qualification stage matapos nga nagresulta sa draw ang ila hampang kontra sa Yemen.

Sa kabug-osan, ang Azkals may yara na sang pito ka puntos bangod sang tatlo ka mga daog./ PB

Newspapers in Tagalog

Newspapers from Philippines

© PressReader. All rights reserved.