Manog-isda nakuhaan shabu

Hublas nga Kamatuoran - - Balita - Ni Ime SORNITO

Syudad sang ILOILO – Nabuking ang diskarte sang isa ka manog-isda matapos nga nabaklan sang gina-alegar shabu.

Si Romeo Canja y Mariano, 50, ang nabaklan sang Bugasong PNP sang isa ka plastic sachet sang ginapasuni shabu balor P1,000 tion sang buy- bust operation sa Barangay Ilaures, Bugasong, Antique sadtong Huwebes sang hapon.

Luwas diri, nakuhaan man ang suspek sang tatlo ka mga heat-sealed plastic sachets sang ginapasuni shabu kag nabawi ang marked money.

Sandig sa report sang Bugasong PNP nga nakabaton sila sang impormasyon nga nagasideline sa pagbaligya sang ilegal nga droga si Canja luwas sa pagbaligya sang isda.

Subong si Canja nahunong na sa karsel sang Bugasong PNP kag pagakasohan sang paglapas sa RA 9165 ukon Comprehensive Dangerous Drugs Act of 2002./

Newspapers in Tagalog

Newspapers from Philippines

© PressReader. All rights reserved.