P3-M solar panels ginguba sang mga armado sa Cadiz

Hublas nga Kamatuoran - - Balita - CYRUS M. GARDE

Syudad sang BACOLOD – Nagdangat sa balor nga P3 milyones ang halit nga natuga sang ginharass sang armado nga mga tawo ang solar power plant nga nahamtang sa Brgy. Tinampaan sa Syudad sang Cadiz, Negros Occidental mga alas-11 ang takna sa gab-i sang Huwebes.

Sunu kay Mayor Patrick Escalante sang Syudad sang Cadiz, kapin sa 90 ka mga solar panel boards ang ginhalitan sang kapin 20 ka armado nga mga tawo paagi sa pagtiro.

Sandig naman sa pahayag ni Chief Inspector Rocky Desear, hepe sang Cadiz City PNP, may madamo sila nga mga basiyo sang mga bala nga nakuha sa lugar katulad sang M16,M14 kag grenade launcher. May yara man nga wala pa ka lupok nga mga bala lakip na ang granada kag M203 grenade launcher.

Samtang ginasulat ini nga balita, wala pa gid matumod sang kapulisan kon ano gid ang rason nga gin- harass ang amo nga solar power plant apang may pasuni nga may ginhatag sila nga demand letter nga wala gin-aktohan sang management.

Padayun pa ang pag- usisa sang mga otoridad sa hitabu agud makilala kon sin-o nga grupo ang naghimu sadto./

Newspapers in Tagalog

Newspapers from Philippines

© PressReader. All rights reserved.