LALAKI GINLASAK SANG TRAK

Hublas nga Kamatuoran - - Unang Pahina - Ni Ime SORNITO

Syudad sang ILOILO – Wala nakaluwas sa kamatayon ang nagabisekleta nga lalaki matapos nga ginlasak sia sang trak nga nagakarga sang prime mover sa Barangay Alalasan sa Lapuz kahapon sang aga.

Gindeklarar nga dead-on-arrival sa West Visayas State University Medical Center si Dante Francisco, 39, kasado kag residente sang nasambit nga barangay. Nakaagom ini sang patal nga kapilasan sa tiyan, kinatawo kag iban pa nga bahin sang lawas.

Sunu sa imbestigasyon sang La Paz PNP nga nagasakay sa iya bisekleta ang biktima sang ginlasak sang panguna nga rueda sang trak nga ginamaneho ni Ronie Abello, 47, kag residente sang Brgy. Rizal, Lapuz, nga nagapadulong sa bahin sang Brgy. Loboc, La Paz.

Gin- alegar naman ni Abello nga wala niya nakit- an ang pag- overtake sang nagabisekleta nga biktima bangod nga mataas ang iya trak rason nga wala gid sia nakalikaw rason sang aksidente.

“Nag- cross sia sa akon. Ti, kay madiretso ko sa Loboc pero sia ya nagdiretso kag nagpangalihid kag mag-cross sia sa akon,” alegasyon pa ni Abello sa interbyu sang mga katapo sang media.

Nagsungka man sia dayon sa La Paz PNP para sa nagakaigu nga disposisyon sang iya kaso./

Newspapers in Tagalog

Newspapers from Philippines

© PressReader. All rights reserved.