Magpakaisa gintiro sang negosyante

Hublas nga Kamatuoran - - Unang Pahina - Ni Ime SORNITO

Syudad sang ILOILO – Nasamaran ang magpakaisa matapos nga gintiro sang isa ka negosyate sa Purok II, Barangay Cawayan, Carles, Iloilo.

Ginabaulong pa subong sa ospital sa Syudad sang Roxas ang magpakaisa nga Ricky Medalla y Andres, 43, kag Rodney Olarte y Andres, 44, nga lunsay nakaagom sang mga samad sa tiyan tuga sang pagtiro.

Ginkilala naman nga suspek nga si Noel Amlario y Bullos, legal ang edad kag residente sang Brgy. Cawayan, Carles, nga padayun nga at-large.

Sandig sa report sang Carles Police Station, nagasundanay ang motorsiklo ni Medalla kag ang pickup nga ginamaneho sang suspek sa dalan sa Brgy. Cawayan sadtong Domingo sang udto. Mation-tion, nagpalumba- anay sila sa pag-usoy sang dalan tubtob nga ginsinggitan ni Medalla si Amlario kadungan sang paghaboy sang tsinelas, sunu pa sa Carles PNP.

Dugang sang kapulisan nga wala ginsapak sang suspek ang akto sang biktima pero pa- sekreto na ini nga nagkuha sang .45 caliber pistol sa ila balay kag ginbalikan si Medalla kag gintiro.

Samtang nagalakat na pabalik sa iya pickup ang suspek, nasumalang sini ang pakaisa sang biktima nga si Olarte nga may ginabitbit nga kawayan rason nga gin- unahan na sini tiro.

Matapos ang krimen, nagsakay man dayon ang suspek sa iya salakyan kag nagpalagyo./

Newspapers in Tagalog

Newspapers from Philippines

© PressReader. All rights reserved.