Graft case ni Igbaras ex-mayor Esmeralda ginbasura

Hublas nga Kamatuoran - - Balita - Ni Ime SORNITO

Syudad sang ILOILO – Ginbasura sang Sandiganbayan ang kaso nga paglapas sa RA No. 3019 ukon Anti-Graft and Corrupt Practices Act nga ginpasaka kontra kay anay Mayor Jaime “James” Esmeralda sang Igbaras, Iloilo.

Sandig sa ginpagwa nga 23 ka pahina nga desisyon sang Sandiganbayan nga pirmado ni Amparo Cabotaje-Tang, chairperson sang Third Division, sadtong Oktubre 6, ginabasura ang kaso nga graft kontra sa anay alkalde kag sa apat ka iban pa bangod sang kawad-an sang probable cause.

Nag- ugat ang kaso nga ginpasaka sang Peoples Graft Watch Iloilo sang nagapungko pa si Esmeralda nga alkalde sang Igbaras humalin sadtong 2001 tubtob 2009 kon sa diin nagpatuman sia sang P1 milyon nga rehabilitation project sa Kinagdan- Mulangan kag Cale-Indaluyon

Roads nga ginpundohan sang pork barrel ni Senador Franklin Drilon.

Gina- alegar sang Peoples Graft Watch Iloilo nga wala nagtupa ang nasambit nga proyekto, sa baylo nangin ghost project.

Upod man sa desisyon sang Sandiganbayan ang pagbawi sa gin- isyu nila nga hold departure order kontra sa anay alkalde kag apat ka iban pa./ PB

Newspapers in Tagalog

Newspapers from Philippines

© PressReader. All rights reserved.