Suspek sa Castillo hazing nag-abot sa Pinas

Hublas nga Kamatuoran - - Nasyonal -

Nag-abot na sa pungsod ang isa sa mga suspek sa kamatayon sang University of Santo Tomas (UST) law student nga si Horacio “Atio” Castillo bangod sa hazing.

Si Aegis Jvris member Ralph Trangia nag-abot sa Ninoy Aquino International Airport kahapon sang udto sakay sa EVA Air BR271 gikan sa US.

Upod niya ang iya iloy nga si Rosemarie kon sa diin madasig sila nga ginpalibotan sang security personnel kag mga katapo sang Manila Police District.

Ginbalita una sang Taipei Economic and Cultural Office nga nagpadulong si Trangia sa Chicago paagi sa paglabay sa Taiwan sakay sa transit flight halin sa Manila sadtong Septyimbre 19.

Ginhambal naman ni Red Marinas sang Bureau of Immigration Port Operations Division sa ABS-CBN News nga ginpahibalo sila sang Interpol office sa US nga mabalik sa pungsod si Trangia.

Nagdesisyon naman si Trangia nga magbalik sa pungsod kasunod sang plano sang gobyerno nga bawion ang iya passport bangod sang pagkadalahig niya sa kamatayon ni Castillo.

Para naman sa Department of Justice (DOJ), ang pagbalik ni Trangia daku nga mihura sa kaso ni Atio.

Gintanyagan man sang DOJ si Trangia kag ang iya pamilya nga magpaidalom sa Witness Protection Program.

Nahibaluan nga si Trangia law student man sa UST upod ang iban pa nga mga suspek nga nagapangatubang sang kaso nga murder, robbery kag pagbayolar sang anti-hazing law./ PB

Newspapers in Tagalog

Newspapers from Philippines

© PressReader. All rights reserved.