Away pamilya sa Negros: 4 patay

Hublas nga Kamatuoran - - Unang Pahina - @ wNi Ime SORNITO

Syudad sang BACOLOD - Patay ang apat ka mga persona lakip na ang lima ka tuig nga bata sa inaway sang duha ka pamilya sa banwa sang Moises Padilla, Negros Occidental kahapon sang kaagahon.

Base sa inisyal nga report sang kapulisan, nagsugod ang insidente sadtong Martes sang gab- i sang ginbunu ni James Labiga, 27, ang iya hinablos nga si Kerwin Royo, 22.

Sunu sa mga testigo nga gulpi lang ginguba ni Labiga ang kudal sang balay ni Royo sang naglabay diri rason sang ila mainit nga pagbaisay tubtob nga ginbunu sang nauna si Royo rason sang iya kamatayon.

Kahapon sang aga, nagpadulong ang tiyo ni Royo nga si Ernesto kag utod nga si Fritz sa balay sang abyan ni Labiga matapos nadiskubrehan nga didto nagapanago ang suspek.

Nagsulod si Ernesto sa balay kon sa diin basta na lang sia gintiro ni Labiga pero nakabatu sia paagi sa pag-gabot sang patalom tubtob nga naglab- ot ang ila komosyon sa isa ka payag kon sa diin nagakatulog ang lima ka tuig nga bata sang abyan ni Labiga.

Dimalas nga naigu sang bala sa ulo ang bata nga si John Michael Mirano rason sang iya kamatayon.

Lunsay man ginbawian sang kabuhi sanday Ernesto kag Labiga bangod sang pilas tuga sang pagtiro kag pagbunu.

Samtang gindala man sa ospital si Fritz nga nasaraman sa insidente kag magapangatubang sang kaso nga murder./ PB

Newspapers in Tagalog

Newspapers from Philippines

© PressReader. All rights reserved.