Mga kiosko sa Mandurriao plaza, ginkakas na

Hublas nga Kamatuoran - - Unang Pahina - @ wNi Ime SORNITO

Syudad sang ILOILO - Ginsugoran dayon sang Task Force Asis ang demolisyon kasunod sang pag-isyu sang executive order ni acting Mayor Joe Espinosa III kahapon sang aga nga i-demolish ang mga kiosko sa palibot sang plaza sang Mandurriao.

Ginpamunoan ni Roberto "Bob" Dumanil sang Task Force Asis kag sang City Environment and Natural Resources Office ( CENRO) ang pag- demolish sang mga kiosko ilabi na ang sa atubang sang Civil Service Commission (CSC).

Base sa executive order no. 94 nga pirmado ni Espinosa, ginamando sini ang pagkakas ukon pag-demolish sang mga kiosko sa palibot sang plaza sang Mandurriao bangod nga nagasakop na sila sa mga sidewalk kag nakasablag sa nagalabay nga mga motorista.

Labi nga gintumod sa mando ni Espinosa amo ang mga kiosko nga nahamtang sa Dalan Q. Abeto sa atubang sang CSC kag ang tanan nga mga kiosko nga ginabutangan sang ukay-ukay.

“Whereas, upon ocular inspection of the area, it was established that kiosk were constructed along the road side of Q. Abeto Street, fronting the Civil Service Commission Regional Office, thereby causing hindrance to the pedestrians as well as motor vehicle passing thereon which ultimately resulted to traffic congestion,” kabahin sang executive order ni Espinosa.

Angut sini, ginamandoan ni Espinosa ang CENRO kag SSU nga siguruhon nga wala sang illegal structures ukon indi otorisado nga mga aktibidad nga hiwaton sa mga pungpubliko nga plaza sa palibot sang syudad./ PB

Newspapers in Tagalog

Newspapers from Philippines

© PressReader. All rights reserved.