Duterte, ginatugyan anti-drug ops sa PDEA

Hublas nga Kamatuoran - - Unang Pahina -

Indi na mahimu nga magkasar sang anti-illegal drug operations ang Philippine National Police (PNP) kag iban pa nga mga ahensya sang gobyerno.

Sa memorandum nga ginpirmahan ni Presidente Rodrigo Duterte bilang pagsunod sa Republic Act 9165 ukon ang Comprehensive Dangerous Drugs Act, ginmando sini sa PNP, Armed Forces of the Philippines (AFP), National Bureau of investigation (NBI), Bureau of Customs ( BoC), Philippine Postal Office, kag iban pa nga antidrug task forces nga itugyan na sa PDEA ang tanan nga anti-drug operations.

Ginmandoan man ni Duterte ang nasambit nga mga ahensya sang gobyerno nga ihatag sa PDEA ang mga impormasyon kag datus nga may labot sa ilegal nga droga.

Pero ginalauman sang presidente nga mapabilin sang PNP ang police visibility bilang “deterrent” sa ilegal nga aktibidad./ PB

Newspapers in Tagalog

Newspapers from Philippines

© PressReader. All rights reserved.