Greyhound inspection ginkasar sa BJMP-Ungka

Hublas nga Kamatuoran - - Unang Pahina - @ wNi Ime SORNITO

Syudad sang ILOILO - Isa ka adlaw matapos ang greyhound inspection sa Iloilo District Jail sa Barangay Nanga, Pototan, Iloilo, ginsunod sang inspeksyon sang Bureau of Jail Management and Penology ( BJMP) 6 ang BJMP sa Barangay Ungka, distrito sang Jaro kahapon sang aga.

Nag-upod man ang Philippine Drug Enforcement Agency 6 sa pagkasar sang inspeksyon sa BJMP-Ungka ilabi na sa Dorms 13, 14, 15, kag 16 kon sa diin napriso ang pila ka mga drug personalities sa syudad nga nadakpan sa buy-bust operation.

Lakip sa narekober nga mga kontrabando amo ang isa ka plastic sachet nga may shabu residue, kaha sang mga sigarilyo, nail cutter, screw driver, gunting, kag iban pa nga mataliwis nga mga bagay nga hugot nga ginadumilian sa sulod sang prisohan.

Tinutuyo naman sa pagkasar sang inspeksyon sa mga prisohan sang BJMP amo nga masiguro nga wala sang may makalusot nga mga kontrabando sa mga prisohan kag masiguro nga wala na naga- gamit sang ilegal nga droga ang mga priso./ PB

Newspapers in Tagalog

Newspapers from Philippines

© PressReader. All rights reserved.