AKO KAG SI UGANGAN

Hublas nga Kamatuoran - - Opinyon -

Inday Lyn, sa kapigaduhon sang amon pangabuhi sa uma nagdesisyon ako nga magpalapit kanday nanay kag tatay bisan nahibal-an ko nga akig pa si tatay sa akon. Ginpaisog ko ang akon buot agud batunon niya liwat bangod luyag ko gid nga makahalin sa lugar sang akon bana. Sang nagpauli ako sa amon, nakibot ako nga manami ang yuhom ni tatay sa akon kag wala na ako sang madamo pa nga ginhambal kundi sorry kag gilayon niya ako ginhakus. Sia man mismo ang naghambal nga sugaton ko ang mga bata kag nagpauli sa ila. Todo gid ang akon hibi sa kasadya nga bisan ano ka kadaku sang akon sala napatawad na ako ni tatay.

Gani wala na ako nagpadugay pa. Ginasugat ko ang akon pamilya kag nagpauli kami sa amon. Naglisensya man ako kay

(Ikatatlo nga bahin)

ugangan apang wala man ini nagsapak sa amon. Tubtob sa ulihi nga kahigayonan malas-ay sia gihapon sa amon. Bisan kay Carlo na lang tani nga iya bata pero daw wala man sia labot.

Naghalin kami sa ila lugar nga mabug- at sa balatyagon. Inday Lyn, bisan wala ako ginatrato sing maayo sang akon nga ugangan, masakit sa tagipusuon nga amo sini ang amon nga nadangtan. Ginahandum ko gid nga sa pila ka adlaw mangin okay man kami.

Pagpauli namon gintugotan kami ni tatay nga magpatindog sang gamay nga payag-payag sa ila tupad. Mas maayo kag mas komportable sang sa ginaistaran namon sang una. Nalipay gid ang amon kabataan bangod pirme lang sila nagahampang upod kanday lolo kag lola nila kag ako man may katawhay sang isip nga bisan maglakat ako may nagasibaw sa ila kag makakaon sing maayo. Lain gid ya kon malapit ka sa imo nga pamilya.

Inday Lyn, pagkaligad sang pila ka bulan nakapundar pa kami sang gamay nga tiangge kag daku gid ang bulig niya sini agud maprovide ko ang kinahanglanon sang akon pamilya. Subong man si Carlo ang ginasaligan ni tatay sa iya uma gani nalibre man ang amon nga bugas kada bulan. Amat- amat nga paghimakas kag nakapundar kami sang mga gamit namon sa balay. Si ugangan daw amat- amat ko naman nga nakalimtan, naka-move on na ako kag napatawad ko naman sia ah. Wala gid ako nagtanom sang kalain sang buot sa iya amo siguro kon ngaa daw nangin maayo man ang balos sang kapalaran sa amon pangabuhi.

Newspapers in Tagalog

Newspapers from Philippines

© PressReader. All rights reserved.