P C WP V V d cPc bP V

Hublas nga Kamatuoran - - Unang Pahina -

Ginmando Philippine National Police (PNP) chief nga si Director General Ronald Dela Rosa ang pag-untat sang “Oplan Tokhang.”

Sunu kay Dela Rosa ang tanan nga antiillegal drug operation sang PNP ang gin-untat sumugod kahapon lakip na ang Oplan Double Barrel kag drop box system sang pagreport sang mga durogista gikan sa mga barangay.

Pero mapabilin naman ang PNP Drug Enforcement Group ugaling limitado na ang ila obligasyon sa intelligence production and monitoring nga ipadala sa Philippine Drug Enforcement Agency (PDEA).

Kasunod ini sang pagtugyan na ni Presidente Rodrigo Duterte sa PDEA sang kampanya kontra sa ilegal nga droga.

Ang mando sang presidente may kaangtanan naman sa ginapangatubang nga kontrobersiya sang PNP angut sa pang- abuso kag makaduloda nga kamatayon sang mga persona sa kampanya kontra sa ilegal nga droga lakip na diri ang kamatayon sang pila ka mga pamatan-on.

Kasunod man dugang ini sa pagtawag ni Dela Rosa nga “ingrato” sa mga nagatira sa kampanya sang administrasyon imbes nga magpasalamat nga nag-improbar ang peace and order situation.

Bangod sini, mas gusto ni Dela Rosa nga magpokus ang PNP sa pag- away sa krimen ilabi na ang paglagas sa riding- in- tandem gunmen kag pagtinlu sa hanay sang PNP./ PB

Newspapers in Tagalog

Newspapers from Philippines

© PressReader. All rights reserved.