P cT bP PVW d b c bP 6d PaPb

Hublas nga Kamatuoran - - Unang Pahina - @ wNi Cyrus M. GARDE

Syudad sang BACOLOD – Makaligad ang siam ka tuig nga pagpanago sa kamot sang kasugoan, nadakpan na gid man ang lalaki nga wanted sa kaso nga paghimulos mga alas-5:40 sang hapon sang Miyerkoles.

Nakilala ang suspek nga si Gamaciel Sinahon Gimpayan alyas Ale, 39, may asawa nga tumandok sang Sitio Manaol sa Brgy. Quintin Remo, Moises Padilla, Negros Occidental kag nagaistar na subong sa Brgy. Tinadtaran, Buenavista, Guimaras.

Nadakpan sia sa Guimaras sang nagtingob puersa nga Moises Padilla PNP sa pagpamuno ni Senior Inspector Allan Reloj, Buenavista PNP sa pagpamuno ni Senior Inspector Jefrey E. Ferrer kag Guimaras Police Provincial Office Special Operation Group sa pagpamuno ni Chief Inspector Stephen Somosot.

Nahibaluan nga ang warrant of arrest para sa kaso nga rape kontra sa suspek nga ginpapanaog ni Judge Francisco Rodriguez sang Regional Trial Court, Branch 63 sa Syudad sang La Carlota ang napetsahan pa sang Hunyo 10, 2008.

Wala sang piyansa nga ginrekomendar ang korte sa iya temporaryo nga kahilwayan kag subong nahunong na sia sa karsel sang Moises Padilla PNP./ PB

Newspapers in Tagalog

Newspapers from Philippines

© PressReader. All rights reserved.