Lalaki nakuhaan mga pusil

Hublas nga Kamatuoran - - Balita - PB @wNi Ime SORNITO

Syudad sang ILOILO – Nakuhaan sang mga pusil kag bala ang isa ka lalaki tion sang ginhiwat nga raid sa Barangay Supa, Tigbauan, Iloilo takna alas-siete sang aga kahapon.

Sandig sa report sang Tigbauan Police Station, ginserbehan nila ang subject nga si Ramon Gargarita y Jutay, 56, sang search warrant para sa pagbayolar sang RA 10591 ukon Comprehensive Firearms and Ammunition Regulation Act nga gin-apply nila sa opisina ni Hon. Nelita Jesusa Bacaling, acting presiding judge sang Regional Trial Court, Branch 67 sa Guimbal, Iloilo.

Nakuha sang mga otoridad sa paghinakop ni Gargarita ang 12 gauge shotgun kag 19 ka mga bala sini, caliber .38 revolver kag anum ka mga bala sini kag isa ka caliber .357 revolver nga may holster.

Napaslawan man si Gargarita nga makapakita sang dokumento sa paghupot sang mga pusil rason nga gin-aresto./

Newspapers in Tagalog

Newspapers from Philippines

© PressReader. All rights reserved.