HVT nga mga durogista lagson sang PDEA-6

Hublas nga Kamatuoran - - Balita - @wNi Ime SORNITO

Syudad sang ILOILO – Nagpasalig ang Philippine Drug Enforcement Agency (PDEA) 6 nga tutokan kag lagson nila ang high-value targets ( HVT) nga mga durogista sa rehiyon 6.

Kasunod ini sang pagtugyan ni Presidente Rodrigo Duterte sang kampanya kontra sa ilegal nga droga sa PDEA.

Sunu kay Regional Director Wardley Getalla sang PDEA- 6, mapokus subong ang ila opisina sa paglagas sa dalagku nga mga drug personalities para mabatyagan ang impact sang ila kampanya.

“Magfo- focus tayo sa malalaki kay mostly sa mga malalaki ang major distributor,” hambal ni Getalla.

Nagapati man sia nga kon madakpan nila ang distributor ukon ang nagasuplay sang shabu, may posibilidad nga maamat-amat ang pagbuhin sang mga drug pushers kada adlaw.

Nagakahulogan man ini nga indi na magpokus sa street levels nga mga drug personalities ang PDEA-6.

Kag apisar ini sa pagaku ni Getalla nga tama ka kulang sang ila mga tinawo para magpatuman sang kampanya kontra ilegal nga droga.

Nagpromisa lamang si Getalla nga himuon nila sa PDEA-6 ang tanan nila nga masarangan para malikawan ang insidente kaangay sang pagkadula sang inosente nga kabuhi.

Gin- athag man sang regional director nga magasuporta gihapon ang Philippine National Police (PNP) sa PDEA paagi sa pag- monitor sang mga impormasyon angut sa pag- operate sang mga durogista.

“Nandiyan pa rin ang PNP. Ma-identity ng PNP kon sinong drug pushers na nagbebenta, na gumagala at bumabalik. Yan ang i- relay nila sa amin,” dugang ni Getalla.

Luwas sa PNP, yara pa ang iban nga mga ahensya sang gobyerno kaangay sang NBI nga mapalapitan sang PDEA nga nagabulig na sang una pa man sa kampanya sang presidente./ PB

GETALLA

Newspapers in Tagalog

Newspapers from Philippines

© PressReader. All rights reserved.