RIDING-IN-TANDEM

Hublas nga Kamatuoran - - Opinyon -

Daku nga problema sang mga pulis ang pag-atake sang riding-in-tandem nga mga kriminal sa bug-os nga pungsod humalin pa sadto.

Ginagamit ang riding-in-tandem sa paghimu sang krimen kaangay sang pagpatay, hold-ap kag iban pa.

Kag ang halos kalabanan nga krimen nga ginadalahigan sang riding- intandem ang wala pa tubtob subong masolbar.

Nabudlayan gid ang mga pulis sa pagkilala sa mga identity sang ridingin-tandem ilabi pa nga nagagamit ang mga ini sang bonnet, mask kag helmet para matago ang nawong.

Gani ini ang nagtulod kay Philippine National Police (PNP) chief Director General Ronald “Bato” Dela Rosa nga i-mando sa mga pulis ang pagtutok sa mga riding-in-tandem.

Ining mando sang PNP chief kasunod man sang pagkakas sang gahum ni Presidente Rodrigo Duterte sa mga pulis sa pagkasar sang kampanya kontra sa ilegal nga droga.

Gusto ni Dela Rosa nga magpokus ang mga pulis sa paglagas sa mga riding- in- tandem kaangay sang ginhimu nila sa mga durogista.

Madamo naman nga mga Pinoy ang nagpabor sa desisyon ni Dela Rosa ilabi pa nga masupog nga nagatuga sang gamo sa pungsod ang riding- in- tandem nga mga kriminal./

Newspapers in Tagalog

Newspapers from Philippines

© PressReader. All rights reserved.