AKO KAG SI UGANGAN

Hublas nga Kamatuoran - - Opinyon -

Kag kapin pa wala ako naanad nga may kontra. Bisan istrikto si tatay sa amon, wala gid ako nagadumot amo kon ngaa bisan sa kay ugangan wala ko gid ginpadalman.

Inday Lyn, sa paglipas pa gid sang panahon nakapatindog kami sang bana ko sang gamay nga karinderya kag nagpatok gid ini sa amon mga customers. Nangin manami gid ang amon income kag napakay-o namon ang amon balay, nakapundar sang mga gamit, naka-eskwela sing maayo ang akon kabataan kag naka save pa gid ako sa bangko. Amatamat lang nga pag-uswag, Inday Lyn, kag wala gid ako nalipat kay ugangan bangod naisip ko bangod sa kalain nga ginpakita niya sa akon mas na-inspire ako nga magtrabaho sing maayo, maghimakas kami sang akon bana agud indi na maagyan sang amon kabataan ang natabu sa amon sang una sa ila nga lugar.

Ginbaton ko sia sing maayo sa amon panimalay sa handum nga basi amo na ni ang ginahulat namon tanan nga pag- uli- ay sang pamilya. Nagtiner sia sa amon sang duha ka adlaw kag wala man sang natabu nga malain except lang sang manogpuli na sia nga madamo lang sia sang ginapangayo kay Carlo. Naintindihan ko man nga pigado ang iya pangabuhi didto gani ginpabalunan namon sia sang bugas kag grocery kag nakita ko nga nalipay gid sia. Nagpasalamat man sia sa akon kag naglisensya sing tarong subong man sa amon mga kabataan.

Pagkatapos sadto, Inday Lyn, madamo pa gid sang kahigayinan nga nagbisita sia sa amon. In fact daw kada semana nagabalik-balik sia sa balay. Kon kaisa may mga bitbit man sia nga mga prutas para sa mga bata. So far daw wala man kami sang nangin problema nga duha tubtob nga nakabati ako sang istorya halin sa akon bayaw nga didto man naga-istar sa ila lugar apang nagapauli man diri sa takas namon. Sunu sa iya maghalong kuno ako bangod magpauli si ugangan didto kon ano-ano ang ginapanugid niya sa mga tawo didto. Nakatibawas lang kuno ako sing gamay daw si sin-o na kuno ako. Maayo lang kay ang iya kuno bata nga si Carlo mabuot kag palangga gid sia kag ang tanan niya nga gusto ginahatag sini.

Indi kuno sia welcome sa amon kag ginaaway ko kuno sia magkadto sa amon apang ginaapinan sia kuno ni Carlo gani wala kuno ako sing mahimu kundi ang magsunod sa gusto ni Carlo. Tapos ang akon kuno mga kabataan, Inday Lyn, daw pinabay- an bangod busy kuno ako sa akon negosyo nga gamay man lang kuno ang akon ginakita.

Newspapers in Tagalog

Newspapers from Philippines

© PressReader. All rights reserved.