Hubog nadalasa sang bus

Hublas nga Kamatuoran - - Unang Pahina - @wNi Cyrus M. GARDE PB

Syudad sang BACOLOD – Ospital ang tupa sang tuman ka hubog nga mamumugon nga ginsalakay sang bus sa national highway sang Sitio Campisang sa Brgy. Gil Montilla, Syudad sang Sipalay, Negros Occidental.

Ginkilala ni Chief Inspector Romeo Vargas, hepe sang Sipalay City PNP, ang biktima nga si Jericho Occeña Capanas, 51, may asawa kag naga-istar sa Sitio Cabugan sang amo man nga barangay.

Sunu kay Vargas nga nadalasa ang biktima sang

bus samtang nagaluhod sa tunga sang dalan kag wala sang panapton sa ibabaw bangod sa kahulogbon mga alas- 10: 20 ang takna sang gab-i sang Miyerkoles.

Ang Ceres bus naman nga may body number body 524 kag plate number FWB 507 ang ginamaneho ni John Julius Debuyan Ramos, 36, kasado kag taga-Sitio Lapuz, Brgy. 3 sang mo man nga syudad.

Sunu sa report nga halin ang bus sa Syudad sang Bacolod kag mapadulong sa Syudad sang Bayawan sang matabu ang aksidente.

Ginbulong ang biktima sa Sipalay City Infirmary Clinic samtang ang dryaber sang bus nagsungka sa kapulisan./ PB

Newspapers in Tagalog

Newspapers from Philippines

© PressReader. All rights reserved.