Lalaki ginhatok-hatok labu

Hublas nga Kamatuoran - - Balita - @ wNi Ime SORNITO

Syudad sang ILOILO – Brutal ang pagpatay sa isa ka lalaki matapos nga ginhatok- hatok sang labu antes gintiro sa Sitio Igburay, Barangay Igpigus, Igbaras, Iloilo alas- 8: 30 sang gab-i sang Huwebes.

Dead- on- the- spot si Ireneio Eripol y Esmade, 60, kasado, bangod sang patal nga pilas sa tuo nga porsyon sang ulo, likod nga porsyon sang ulo, tuo nga abaga, kag tuo nga liog tuga sang paglabu.

Nakaagom man ini sang pilas sa likod tuga sang pagtiro gamit ang 12 gauge shot gun.

Sa interbyu sang Panay Balita kay SPO2 Jose Remus Cabag, imbestigador sang Igbaras PNP, nagakatulog ang biktima kaupod ang asawa kag 10- anyos nga bata nga lalaki sang nakabati sang tapak- tapak sang ginasagod nila nga karbaw sa atubang sang ila balay rason nga nag- gwa sila

nga mag-asawa.

Diri nakit- an sang biktima nga nakabuhi ang iya karbaw rason nga ginbangot sini malapit sa ila balay pero makaligad ang pila ka minutos liwat naman nga nakabuhi ang karbaw.

“Mga 8: 30 kagab- i nagakatulog ni sila pero nabatyagan nila ang lapak-lapak sang karbaw nila sagwa nga daw

nakabuhi, so, gingwaan nila kag gintan- aw,” hambal ni Cabag.

Nagpanaog ang biktima para i-bangot ang karbaw kag manogsulod na sia sa kusina sang ila balay sang gulpi lang nakabati sang singgit ang iya asawa rason nga ginkadtoan sini ang bana.

Pero nasapwan na lang sang asawa ang bana nga duguon kag nagahuray-ad

sa ila kusina rason nga nagpangayo ini sang bulig pero wala na mahingagaw dala sa ospital ang biktima bangod sang naangkon nga patal nga mga pilas.

“Gulpi lang nagsinggit na ang bana ya nga ginlabu sia. Ti, dayon nabatian nga lupok ti nagdalagan ang asawa para lantawon ang bana ya. Didto ya nakita nga

nagapaligo na sang dugo,” dugang ni Cabag.

Ginsugid man ni Cabag nga nakit-an sang asawa ang nawong sang suspek kag kon makita pa sini liwat sigurado sia nga makilala niya.

Natukiban man ni Cabag nga antes ang krimen may nakabais nga mga persona sa isa ka ilimnan ang biktima pero indi pa nila matul- id kon

may labot diri ang krimen.

Sa pagpati ni Cabag nga ginhungod sang suspek nga buy- an ang ginbangot nga karbaw sang biktima para makuha ang atensyon sini kag makapanaog sa ila balay.

Samtang narekober naman sa ginluntaran sang krimen ang isa ka empty shell sang nasambit nga pusil nga gingamit sang suspek./ PB

Newspapers in Tagalog

Newspapers from Philippines

© PressReader. All rights reserved.