500 ka pulis ipalapta sa ASEAN Summit

Hublas nga Kamatuoran - - Nasyonal -

Ipalapta ang 500 ka mga pulis para magbantay sa seguridad sang Association of Southeast Asian Nations ( ASEAN) Summit sa maabot nga Nobyimbre.

Nagpreparar man ang Philippine National Police Highway Patrol Group ( PNP- HPG) sang 28 ka mga convoy package para sa pagbiyahe sang state leaders nga matambong sa summit.

Sunu kay Senior Insp. Jem Delantes, tagpamaba sang PNP- HPG, lima ka mga motorsiklo kag duha ka patrol cars ang i-designar sa kada convoy nga mabantay sa kada state leader samtang duha ka motorsiklo kag isa ka patrol car ang gindesignar sa kada asawa ukon partner sang state leader, minister, kag iban pa nga mga delegado.

Dugang naman nga 15 ka mga convoy package ang ma-istambay para sa iban nga mga delegado nga gusto maglagaw sa Manila.

“Hindi kasi natin maiwasan ang biglaang lakad ng mga delegates, or ang mga delegates o ministers na may sumingit. At least meron tayong reserved convoy packages,” eksplikar ni Delantes.

Nag-apelar man sia sa publiko nga magkooperar sa ipatuman nga seguridad ilabi na sa paga-agyan sang mga delegado.

“Sa mga darating na ar a w, ma g k a k a r o o n kami ng SIMEX or route familiarization, considering yung area ng operations natin sa ASEAN ay malaki, Clark to Manila to Clark,” dugang ni Delantes.

May sinapol ang mga lider kag diplomats gikan sa regional bloc sa Manila kag Clark, Pampanga humalin sa Nobyimbre 10 tubtob 14.

Pangunahan ni United States President Donald Trump ang summit, sandig naman sa White House.

Angut diri, suspendido ang klase sa Metro Manila sa Nobyimbre 16 kag 17./ PB

Ginabanta nga 500 ka mga pulis ang ipalapta sang Philippine National Police sa pagahiwaton nga Association of Southeast Asian Nation Summit sa Nobyimbre. (ABS CBN News)/PB

Newspapers in Tagalog

Newspapers from Philippines

© PressReader. All rights reserved.