Anne, Erwan mapakasal na sa New Zealand sa weekend?

Hublas nga Kamatuoran - - Unang Pahina -

Mas nagbaskug ang balita nga kaslon na gid man sanday Anne Curtis kag Erwan Heussaff sini nga weekend sa New Zealand kasunod sang pagkaladto sa nasambit nga pungsod sang pila ka mga suod nila nga abyan.

Sandig sa Instagram post, naga-enjoy subong sa Kaikoura town sa New Zealand ang utod ni Erwan nga si Solenn Heussaff upod ang iya bana nga si Nico Bolzico. Nagabakasyon man subong didto si Jess Wilson, utod sang modelo nga si Georgina Wilson. Samtang ang bana ni Isabelle Daza nga si Adrien Semblat nag- post man sang mga laragway sang New Zealand trip sini upod si Jess kag nobyo sini. Pero daw wala didto si Isabelle nga nagabusong naman subong. Sang Martes naman, ang blogger nga si Nicole Anderson nagbiya sa pungsod pero wala niya ugaling nasugid kon diin sia makadto. Pero madamo ang nagapati nga nagpa-New Zealand man sia. Ang manghod naman sang bride- to- be nga si Jasmine Curtis-Smith yara subong sa ila hometown sa Australia base sa iya Instagram posts. Nahibaluan nga ang Australia pila man lang ka oras ang kalayuon gikan sa New Zealand. Samtang, base naman sa Instagram account ni Anne, wala gid sang hints nahanungod sa masunod nila nga destinasyon ni Erwan. Ang ulihi nga mga laragway nga gin-post diri sang “It’s Showtime” host ang kuha pa sa ila travel sa South Korea. Sa nahibaluan madugay na nga ginahuring-huring nga mapakasal sanday Anne kag Erwan sa New Zealand sa Nobyimbre 11./ PB

Newspapers in Tagalog

Newspapers from Philippines

© PressReader. All rights reserved.