Sakayan nagkapan, 8 ka estudyante naluwas

Hublas nga Kamatuoran - - Unang Pahina - Ni Ime Sornito

Syudad sang ILOILO – Bangod sang mabaskug nga hangin kag balud, nagkapan ang isa ka sakayan sa kalalawran sakop sang isla sang Bulobadiang sa Estancia, Iloilo alas- cuatro sang hapon sang Miyerkoles. Naluwas diri sang Coast Guard Sub-Station (CGSS) sa Estancia ang walo ka mga estudyante kon sa diin ang pito nakilala kanday: * Rodel Gonzales, 16, sang Brgy. Bitoon, Carles; * Justine L. Vegare, 15, sang Brgy. Talingting, Carles; * Charmaine Joy R. Hiasa, 16, sang Villa Patena, Brgy. Canoan, Estancia; * Arriane C. Boromeo, 14, sang Villa Reyes, Brgy. Poblacion, Zone 1, Estancia; * Blessed Lyn Mianne 16, sang Brgy. Tabugon, Carles; * Izzume P. Villanueva, 18, sang Brgy. Poblacion, Zone 1, Estancia; kag * Aira Barres, 17, sang Brgy. Bitoon, Carles, Iloilo. Sunu naman kay Lieutenant Commander Ramil Palabrica sang Philippine Coast GuardIloilo, una nga nakabaton sang tawag ang CGSS sa Estancia gikan kay Leo Logronio nga nagapahibalo nga may nagkapan nga sakayan sa isla. Nagpadala dayon ang coast guard sang ila Deployable Response Team sakay sa motor banca nga “MBCA Hyacinth” para magkasar sang search and rescue operation. Madinalag-on nila nga naluwas ang walo ka mga pasahero nga madasig nga ginsaylo sa iban nga sakayan para madala sa ospital sa banwa sang Balasan. Ginbuloligan man dayon nga madala padulong sa Feeder Port ang nagkapan nga sakayan nga amatamat na nga nasul-ob sang tubig. Nahibaluan nga nagbiya ang mga studyante sa Brgy. Talingling, Carles sakay sa wala sang pangalan nga sakayan para magpadulong sa Estancia sang gulpi lang nagwaswas ang dalagku nga balud rason sang ila pagkapan./

Newspapers in Tagalog

Newspapers from Philippines

© PressReader. All rights reserved.