Cavs, pierde sa Rockets

Hublas nga Kamatuoran - - Unang Pahina -

Wala sang nahimu ang team ni Lebron James sa team ni James Harden. Sa iskor nga 117- 113, ginpangunahan ni Harden ang pagdaog sang Houston Rockets kontra sa Cleveland Cavaliers sa ila sambuwa sa Toyota Center, Houston, Texas kahapon sang aga (oras sa Pilipinas). Ika-apat na ini nga asud-asod nga daog sang Rockets. Una na nga naka- abanse ang Rockets sang 18 puntos pero nakalagas pa ang Cavaliers para sila naman ang magabanse sang duha ka puntos. Pero wala nagpalupig si Harden kon sa diin natapos ang hampang nga may yara sia sang 35 puntos para ma- improbar ang rekord sang Rockets sa 9-3 win-loss. Sa bahin sang Cavaliers, kulang ang ginkamada ni Lebron James nga 33 puntos kag pito ka assists matapos nga nagkomiter sia sang siam ka turnovers.

WIZARDS DAOG VS LAKERS

Ginpadaog ni John Wall ang Washington Wizards kontra sa Los Angeles Lakers, 111- 95, sa ila man hampang kahapon sang aga. Nag-iskor ang All-Star point guard sang 23 puntos kag nagdugang si Bradley Beal sang 22 puntos. Nagtugnaw naman ang opensa ni Lonzo Ball nga nalimitahan lang sa 10 puntos kag tag-walo ka rebounds kag assists. Nagbulig man sa opensa sang Wizards si Otto Porter Jr. nga may 20 puntos kag 11 rebounds samtang si Markieff Morris nagtapos nga may 16 puntos. Sa iban pa nga hampang sa NBA, ginlutos sang Toronto Raptors ang New Orleans Pelicans, 122- 118, matapos nga nag-iskor sanday DeMar DeRozan sang 33 puntos kag Serge Ibaka sang 19 puntos./

Ginatapalan ni Clint Capela (15) sang Houston Rockets ang tira ni LeBron James (23) sang Cleveland Cavaliers tion sang first half sang ila hampang sa Toyota Center kahapon sang aga. (Brett Coomer / Houston Chronicle)/PB

Newspapers in Tagalog

Newspapers from Philippines

© PressReader. All rights reserved.