Babaye ginlabu sang live - in partner

Hublas nga Kamatuoran - - Unang Pahina - Ime Sornito

Syudad sang ILOILO – Pilas sa ulo ang naangkon sang 19-anyos nga babaye matapos nga ginlabu sang iya livein-partner bangod sang selos sa Barangay San Dacal, San Enrique, Iloilo. Ginabulong pa subong sa Western Visayas Medical Center si Monica Mala-ay, residente sang Brgy. Asisig, San Enrique samtang nakilala ang live-in-partner sini kay Jay Cahilo y Caladtad. Base sa imbestigasyon sang San Enrique PNP, nagbaisay ang magkarelasyon sa waiting shed sa Brgy. Dacal mga alassiete sang Huwebes sang gab- i matapos nga nagselos ang suspetsado dala man sang kahulogbon nga nagresulta sa paglabu sini sa biktima. Sa interbyu sang mga katapo sang media kay Mala- ay, ginsiling niya nga tatlo na sila ka tuig nga naga- updanay ni Cahilo pero wala sila ginbugayan sang bata. Nakilala niya ini paagi sa text. Gin-alegar man ni Mala- ay nga kon mahubog gani ang iya karelasyon, masami sia sini nga ginasakit rason nga gusto niya nga makigbulag na diri pero wala nagpasugot ang suspetsado. Sa karon padayun pa ang pag-ayam sang San Enrique PNP sa suspetsado nga nagpalagyo./

Newspapers in Tagalog

Newspapers from Philippines

© PressReader. All rights reserved.