Wanted person naglukso sa salakya, pilason

Hublas nga Kamatuoran - - Unang Pahina - Ni Cyrus M. garde

Syudad sang BACOLOD – Makaligad ang 21 anyos nga pagpanago, nadakpan na gid man ang wanted nga lalaki nga may kaso nga rape. Ang suspek nga si Julio Apawan Olvido, 59, may asawa kag nagaistar sa Hacienda San Jose II sakop sang Brgy. Luna, Syudad sang Cadiz, Negros Occidental nadakpan na sang kapulisan kag sang dal- on na sa istasyon sang pulis, naglukso ini gikan sa salakyan sa Crossing Cadiz, Brgy. Daga sa amo nga syudad mga alas-4:45 sa hapon sang Huwebes. Ang warrant of arrest kontra sa suspek ginlagdaan ni Judge Renato Renato Muñez sang Regional Trial Court, Branch 60 sa Syudad sang Cadiz nga may petsa Hulyo 15, 1996 kag wala sang piyansa para sa iya temporaryo nga kahilwayan. Ginapahayag nga ginsipa ni Olvido si SPO1 Dearlie Bilbar kag dala man sipa sang puerta sang salakyan kag naglumpat. Bangod sini, nakaagom sang pilas sa ulo si Olvido. Kag padayun pa sia subong nga ginabulong sa Cadiz District Hospital./

Newspapers in Tagalog

Newspapers from Philippines

© PressReader. All rights reserved.