PRANGKISA SANG PECO

Hublas nga Kamatuoran - - Opinyon -

Sentro na naman sang atensyon subong sang mga Ilonggo ang plano sang Syudad sang Iloilo sa pagpamuno ni Mayor Jose Espinosa III nga pag-renew sang prangkisa sang kontrobersiyal nga Panay Electric Company ( PECO) nga naga- isahanon nga distributor sang supply sang koryente sa syudad.

Indi man lipod sa tanan nga madamo sang mga reklamo kontra sa serbisyo sang PECO ilabi na ang gina-alegar pinalagpat nga reading sang kontador rason sang pagtimbuok sang balayran sang ila mga konsumidor bisan wala man sang madamo nga kagamitan nga nagagamit koryente sa sulod sang balay.

Luwas sa serbisyo, ginareklamo man ang nagalinubid nga linya sang koryente sang PECO kag mga gabok nga poste nga tubtob subong wala gihapon ma-islan.

Bangod sini, ining plano sang syudad nga pag- renew dayon sang prangkisa sang PECO ang ginakontra sang iban.

Para sa mga nagakontra kag biktima sang palpak nga serbisyo sang PECO, dapat siguruhon anay sang syudad nga indi na masulit ang mga reklamo sang mga konsumidor sa palaabuton antes i-renew ang prangkisa.

Kag labi sa tanan magsimpatiya man ang syudad sa mga pumuluyo kag sekyaron ang ila mga reklamo kontra sa PECO kon bala lehitimo ukon indi para ma-aksyonan na gilayon ang dapat ma-aksyonan./

Newspapers in Tagalog

Newspapers from Philippines

© PressReader. All rights reserved.